«Դու մենակ չես» կանանց աջակցման հասարակական կազմակերպությունը հիմնադրվել է 2019 թվականին և գործում է ՀՀ Արարատի մարզի Արտաշատ խոշորացված համայնքում։ Կազմակերպության նպատակն է նպաստել ընտանեկան բռնության ենթարկված կանանց ու երեխաների իրավունքների և օրինական շահերի պաշտպանությանը, իրազեկել հասարակության ընտանեկան բռնության հիմնախնդրի մասին, այդ ուղղությամբ ձեռնարկել և իրականացնել կանխարգելիչ միջոցառումներ:

«ՁԳՏՈՒՄ ավելի լավ ապագայի. համայնքների և քաղաքացիական հասարակության դիմակայունություն Հայաստանում» (STRIVE) ծրագրի «Կազմակերպական մոդելների ինովացիա» բաղադրիչի շրջանակներում «Դու մենակ չես» ՀԿ-ը նպատակ ունի

• Ստեղծել կահավորված աշխատանքային և ուսումնական տարածք ՀԿ-ի համար,
• Շահառու կանանց և աղջիկների համար կազմակերպել դասընթացներ տնտեսական հզորացման հնարավորությունների վերաբերյալ, ներառյալ այնպիսի թեմաներ, ինչպիսիք են բիզնեսի էթիկան, բյուջետավորումը և այլն,
• Տարածքը վարձով տրամադրել տեղական այլ կազմակերպությունների՝ այդպիսով ապահովելով կայուն ֆինանսական միջոցներ ՀԿ-ի համար,
• Կազմակերպել միջոցառումներ և թերապիա երեխաների համար: