Ծառայություն մատուցողը՝ Փորձագետ (անհատ կամ թիմ)

 

Աշխատանքի բնույթը՝  Առաջնորդության հմտությունների ուսուցումը երիտասարդների, կամավորների և ակտիվ քաղաքացիների համար նպատակ ունի հնարավորություն ընձեռել քաղաքացիներին ձեռք բերել առաջնորդության և համայնքի մոբիլիզացման հմտություններ և համայնքային նախաձեռնությունների միջոցով բարելավելու սոցիալական ազդեցությունը։ Փորձագետը պետք է մշակի առաջնորդության վերաբերյալ ստորև նշված թեմաներով մոդուլներ և  դրանց հիման վրա կազմի էլեկտրոնային դասընթաց, անցկացնի դասընթացավարի վերապատրաստում և համապատասխանաբար տրամադրի եռամսյա քոուչինգ: 

Վայրը՝  ՀՀ մարզեր, Երևան

Ծրագիրը՝ «ՁԳՏՈՒՄ ավելի լավ ապագայի. համայնքների և քաղաքացիական հասարակության դիմակայունություն Հայաստանում» («STRIVE»)

Հաշվետու է՝ «STRIVE» ծրագրի ղեկավարին

Աշխատանքների իրականացման տևողություն՝ 4 ամիս

Ակնկալվող սկիզբ՝ 2024թ. դեկտեմբեր

Դիմելու վերջնաժամկետ՝ 2024 թ. նոյեմբերի 29

1. ԱՌԱՋԱԴՐԱՆՔԻ ՀԻՄՆԱԿԱՆ ՆՊԱՏԱԿԸ

1.1․ «STRIVE» ծրագրի ընդհանուր նկարագիրը

«ՁԳՏՈՒՄ ավելի լավ ապագայի համար. համայնքների և քաղաքացիական հասարակության դիմակայունություն Հայաստանում» («STRIVE») ծրագիրը նպատակ ունի բարելավելու Հայաստանի քաղաքացիական հասարակության կազմակերպությունների (ՔՀԿ) դիմակայունությունը, հաշվետվողականությունը և նորարարության կարողությունները: Ծրագիրն իր մեջ ներառում է տարբեր բաղադրիչներ, ինչպիսիք են ՔՀԿ-ների կազմակերպական կարողությունների բարելավում, նպատակային ֆինանսական աջակցություն, ոչ ֆորմալ խմբերի կողմից սոցիալական ինովացիոն ծրագրերի իրականացում, ՔՀԿ-ների միջև ցանցերի և համագործակցության ուժեղացում, կամավորության խթանում:

1.2․ Աշխատանքի նկարագիրը

Ա․ Մշակել առաջնորդության վերաբերյալ ուսումնական ծրագիր և մոդուլ՝ ներառելով, սակայն չսահմանափակվելով հետևյալ թեմաներով.

• Առաջնորդության հմտություններ
• Ռազմավարական մտածողություն և ազդեցություն
• Համայնքի մոբիլիզացում
• Հանրային մասնակցություն
• Ուսուցման գործընթացի ինքնագնահատում
• Փափուկ/կյանքի հմտություններ
• Ոչ ֆորմալ կրթություն
• Քոուչինգ և մենթորություն

Բ․ Մշակված մոդուլների հիման վրա ստեղծել առաջնորդության և սոցիալական ազդեցության սկզբունքների վերաբերյալ էլեկտրոնային դասընթաց։ Առաջարկել հարթակ դասընթացը տեղադրելու համար և համապատասխանեցնել դասընթացը հարթակի պահանջներին (անհրաժեշտության դեպքում ներգրավելով էլեկտրոնային դասընթացներ մշակող մասնագետի)։ Հարթակի վերջնական ընտրությունը կիրականացվի «STRIVE» թիմի ներգրավվածությամբ:

Գ․ Անցկացնել դասընթացավարների հնգօրյա վերապատրաստում (ToT) 11 երիտասարդների/կամավորների/ակտիվ քաղաքացիների համար։  Վերապատրաստումը նաև կներառի առցանց քոուչինգ և անհատական աջակցություն 3 ամսվա ընթացքում՝ օժանդակելու կամավորների ներգրավվածությանը, նոր կապերի հաստատման հնարավորություններին և հմտությունների կիրառմանը։

Դ․ Աջակցել վերապատրաստված անձանց հավաքագրելու 132 երիտասարդների առաջնորդության էլեկտրոնային դասընթացը, անցանց վերապատրաստման դասընթացը և քոուչինգն անցնելու նպատակով:

Ե․ Տրամադրել վերջնական փաթեթը՝ էլեկտրոնային դասընթացը և մոդուլները (հայերեն, էլեկտրոնային տարբերակ, որը կներառի նաև լրացուցիչ նյութեր և հղումներ ռուսերեն/անգլերեն ուսուցման համար):

Ծանուցում․ Վերապատրաստումները կանցկացվեն ոչ ֆորմալ կրթության սկզբունքների և գործիքների հիման վրա՝ պահպանելով ամբողջական մոտեցումը, ապահովելով ուսուցողակենտրոն, հարմարեցված և մասնակցային լինելը:  Անցանց վերապատրաստումը կառաջարկի ինտերակտիվ սեսիաներ, ինչպիսիք են թիմերի կառուցման վարժություններ, աշխատանքային հանդիպումներ, խմբային աշխատանքներ, վերլուծելու (reflection) սեսիաներ, դեպքի ուսումնասիրում, սիմուլյացիոն խաղեր և ուսուցման սեսիաներ, որոնք օգտագործում են մասնակիցների առկա ռեսուրսները (օրինակ․ Բաց տարածքի տեխնոլոգիա): Մշակված էլեկտրոնային դասընթացը և մոդուլները հասանելի կլինեն նաև հաշմանդամություն ունեցող անձանց։

2. ԺԱՄԱՆԱԿԱՑՈՒՅՑ/ՀԱՇՎԵՏՎՈՒԹՅՈՒՆ

I. Պայմանագրի կնքման օրվանից 15 օր անց. Նախնական հաշվետվություն՝ ժամանակացույց, աշխատանքային պլան, շահառուների, գործընկերների ցանկ (Պայմանագրի ընդհանուր գումարի 20%-ի վճարում)

II. Պայմանագրի կնքման օրվանից 2 ամիս անց. Մշակված ուսումնական ծրագիր և մոդուլ էլեկտրոնային դասընթացի հաշվետվություն, էլեկտրոնային դասընթացի հարթակ (Պայմանագրի ընդհանուր գումարի 30% վճարում)

III. Պայմանագրի կնքման օրվանից 2,5 ամիս անց. Էլեկտրոնային դասընթացի ադապտացում և հնգօրյա վերապատրաստումների անցկացում (Պայմանագրի ընդհանուր գումարի 30% վճարում)

IV. Պայմանագրի կնքման օրվանից 3,5 ամիս անց. Քոուչինգ և վերապատրաստվածների աջակցություն երիտասարդների հավաքագրման և վերապատրաստման համար (Պայմանագրի ընդհանուր գումարի 10% վճարում)

V. Պայմանագրի կնքման օրվանից 4 ամիս անց. Վերջնական փաթեթի և հաշվետվության ներկայացում (Պայմանագրի ընդհանուր գումարի 10% վճարում)

Ծանոթություն․ Նախատեսված աշխատանքի վճարումը կկատարվի հաշվետվության հանձնման ընդունման ակտը ստորագրելուց հետո՝ 10 աշխատանքային օրվա ընթացքում։

3. ՊԱՀԱՆՋՆԵՐ

3.1․ Պահանջվող որակավորումները և հմտությունները

• Բարձրագույն կրթություն
• Առաջնորդության հմտությունների մասին գերազանց գիտելիքներ
• Դասընթացավարի փորձ ոչ ֆորմալ կրթության ոլորտում (առնվազն 3 տարի)
• Մոդուլներ մշակելու փորձ
• Դասընթացավարների վերապատրաստման (ToT) պլանավորման և անցկացման փորձ
• Էլեկտրոնային դասընթացների ստեղծման փորձ (կդիտվի որպես առավելություն)
• Միջազգային նախագծերում աշխատելու փորձ
• Հայերենի գերազանց իմացություն
• Գրելու գերազանց հմտություն
• Վերլուծական գերազանց հմտություն
• Հաղորդակցման գերազանց հմտություն
• Անհատական ​​և թիմային աշխատանքի կարողություն
• Անգլերենի իմացությունը ցանկալի է

3.2․ Դիմելու համար պահանջվող փաստաթղթեր

• Մանրամասն գրավոր CV Europass ձևաչափով
• Նախկինում կատարված նմանատիպ աշխատանքների օրինակների ներկայացում էլեկտրոնային տարբերակով, առկայության դեպքում` հղումներով
• Նախատեսված աշխատանքի մշակման գործողությունների հակիրճ նկարագիրը՝ ներառյալ բյուջեն և ժամանակացույցը
• 1-2 երաշխավորների կոնտակտներ (ներառյալ նախորդ գործատուն)

3.3․ Դիմելու համար պահանջվող փաստաթղթեր

Հայտադիմումներն ուղարկելու համար սեղմեք այստեղ։

Կապ կհաստատվի միայն ընտրված թեկնածուների հետ։

12 Նոյեմբերի 2024, Երեքշաբթի | 1197