«Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպությունն ստեղծվել է 2007 թվականին ՀՀ Շիրակի մարզի Գյումրի քաղաքում։ Կազմակերպության առաքելությունը Հայաստանում հաշմանդամություն ունեցող աղջիկների և կանանց քաղաքացիական, սոցիալ-տնտեսական, կրթական, առողջապահական և մշակութային իրավունքների իրացմանը նպաստելն է` շահերի պաշտպանության, տեղեկատվության տարածման, իրազեկության բարձրացման և համագործակցության միջոցով:

«ՁԳՏՈՒՄ ավելի լավ ապագայի. համայնքների և քաղաքացիական հասարակության դիմակայունություն Հայաստանում» (STRIVE) ծրագրի «Կազմակերպական մոդելների ինովացիա» բաղադրիչի շրջանակներում «Ագաթ» ՀԿ նպատակ ունի

• Ստեղծել բարձր պաշտպանվածությամբ վեբ էջ, որը հասանելի է տարբեր տեսակի հաշմանդամություն ունեցող անձանց համար,
• Մշակել 2024 թվականի ռազմավարական ծրագիրը,
• Վերանայել և բարելավել բրենդինգն ու համապատասխանաբար թարմացնել բրենդային իրերը,
• Մշակել թվային անվտանգության ընթացակարգ,
• Մշակել ինքնախնամքի ընթացակարգ,
• Մշակել աշխատավայրում սեռական ոտնձգությունների կանխարգելման ընթացակարգ,
• Թարմացնել ֆինանսական կառավարման և գնումների ընթացակարգերը,
• Ձեռք բերել լիցենզավորված գործառնական համակարգեր դյուրակիր համակարգիչների համար,
• Մշակել թվային տվյալների պաշտպանության վիրտուալ համակարգ,
• Արտերկրից ձեռք բերել օժանդակ սարքավորումներ, որոնք կօգտագործվեն ՀԿ-ի այցելուների կողմից: